Son vaxtlarda Box.az`dan çox danışmağa başladıq. İndi də görürəm ki, internetimizin populyar e-poçt servisi Box.az getdikcə sosiallaşmağa başlayır.
Belə ki, bütün box.az istifadəçilərinə "Şəxsi Məlumatların Paylaşması Haqda Mühüm Məlumat" başlıqlı e-mail yollayıbdı. Maili oxuyanda belə qənaətə gəlmək olar ki, Box.az mail olmaqla yanaşı həmdə gedərək sosiallaşır. Əslində bu da təəccüblü deyil. Elə dünən yazmışdımki, Google da Gmail tərkibində Google Buzz`u işə salıbdı. Box.az`ın mailinin tərkibi isə belədir:

Profayl Səhifəniz və Məxfiliyi

Box.az tezliklə istifadəçilərinə profayllarını digər istifadəçilərlə paylaşmaq imkanını yaradacaq. Box.az-da qeydiyyatdan keçmiş hər bir istifadəçi bu xidmətdən yararlanaraq özü haqda paylaşmaq istədiyi məlumatı bu səhifədə yerləşdirə biləcək.

Profayl səhifəsi sizin ad, soyad, doğum tarixi, maraq və hobbiləriniz, təhsil və iş yeriniz, və s. kimi məlumatlardan ibarət olacaq.

Məktub göndərdiyiniz zaman, sizin məktubu alan adam bu məlumatlarla tanış olmaq imkanına sahib olacaq. Lakin bu məlumatları təkcə Box.az istifadəçiləri deyil, bütün internet istifadəciləri ilə paylaşmaq imkanınız olacaq.

Profayl xidmətini qıssa zamanda təqdim olunacaq. Odur ki, profayl məlumatlarınızı elə bugün yeniləyin. Yeniləmək üçün Yeni Box.az-da sol tərəfdə «Profayl» menyusunu seçin.

Adi halda sizin profayl yalnız Box.az istifadəçiləri tərəfindən görünəcək. Əgər siz profaylınızı paylaşmaq istəmirsinizsə, o zaman aşağıdakı addımlar vasitəsilə sizin haqda məlumatı gizlədə bilərsiniz:

1. Yeni Box.az-da sol tərəfdə «Profayl» bölumünə daxil olun
2. "Əsas Məlumat" səhifəsindəki «Məxfilik» qutusunda məxfilik dərəcələrindən birini şeçin (şəkildə göstərildiyi kimi)
3. «Saxla» düyməsinə basaraq dəyişiklikləri saxlayın.