LinkedIn professional məzmun paylaşma platforması SlideShares-i satın aldı.
Satın almanın 118.75 milyon dollar olduğunu və 45% nağd, 55% hissə alışı ilə əməliyyatın reallaşacağı ifadə edilir.

( Ətraflı oxuyun )

AzNet-də 3 əsas musiqi servisindən (Qogal, Hisset.in, Muzzaz) olan Muzzaz.net yeni versiyasını aktivləşdirib.
Muzzaz.net Azərbaycanın klassik musiqilərini bir arada toplayan internet saytıdır.
Facebook hesabından bu barədə məlumat verilib:

( Ətraflı oxuyun )

Ölkəmizdə internet sürəti artdıqca multimedia contentləri üzərində qurulmuş saytlar da çoxalır.
Belə saytlardan biri də LiveTV.az-dır. Bir müddətdir fəaliyyət göstərən sayt yenilənib.
LiveTV.az-da həm TV-də tezliyi olan, həm də yalnız internetdə yayımlanan kanallara baxmaq imkanı var. Vekran.com, Yayim.net kimi saytlarda fərqi isə online yayımları bir arada toplamaqdan başqa, online yayım xidməti olmayan telekanalları da online gətirib, canlı yayımlamaqdır.

( Ətraflı oxuyun )

Press-reliz: 11 aprel 2012 il – Bakı. Genişləndirilmiş GoMap.az onlayn-naviqatoruna Gürcüstanın da elektron xəritəsi daxil edilmişdir. Elektron xəritənin genişləndirilməsi üzrə layihə işləri SİNAM şirkəti tərəfindən GoMap.az-ın inkişaf strategiyası çərçivəsində aparılır. Azərbaycanın və Gürcüstanın elektron xəritələrini www.Gomap.az saytında tapa bilərsiniz.

Gürcüstan ərazisini dəəhatə edən genişləndirilmiş GoMap.az elektron xəritəsi 12-14 aprel tarixlərində Bakı Ekspo Mərkəzində keçiriləcək 11-ci Azərbaycan Beynəlxalq «Turizm və Səyahətlər» Sərgisində rəsmi şəkildə təqdim ediləcək.

( Ətraflı oxuyun )

Press-reliz: 2 aprel tarixində Azərbaycan Respublikası Təhsil nazirliyi tərəfindən “Elektron Təhsil” Respublika müsabiqəsinin başlanmasına start veriləcəkdir. Müsabiqə “2008-2012-ci illərdə təhsil sisteminin informasiyalaşdırılması üzrə Dövlət Proqramı” çərçivəsində həyata keçirilir və Microsoft Azərbaycan, İntel korporasiyasının “Gələcək üçün təhsil” proqramı, Ultra, HP, Azedunet MMC və Mədəd təşkilatları tərəfindən dəstəklənir.

Müsabiqənin rəsmi internet-səhifəsi www.musabiqe.edu.az ünvanında yerləşdirilmişdir və tam olaraq bütün məlumatları özündə cəmləmişdir. Veb-saytda müsabiqədə iştirak üçün qeydiyyat sadələşdirilmişdir.

( Ətraflı oxuyun )

Hər gün ziyarət etdiyimiz onlarla hətta yüzlərlə veb saytının sonundakı .com sonluğunun ilk olaraq 15 Mart 1985-ci ildə istifadə edilib. Qeydiyyatdan keçirilən 100-cü .com domainli veb saytı isə ilkindən düz 990 gün sonra qeydiyyatdan keçirilib.

( Ətraflı oxuyun )

Wikipedia, SOPA-ya verdiyi dəstəkdən ötəri bütün domain adlarını GoDaddy-dən köçürdü. Cümə Günü Wikimedia Foundation tərəfindən edilən elan ilə, qazanc məqsədi güdməyən quruluşun məşhur Wikipedia veb saytı da daxil olmaq üzrə bütün domain adlarını MarkMonitor adlı servisə köçürdüyü açıqlandı.

Wikimedia,GoDaddyın SOPA-ya verdiyi dəstəyin bu qərarı vermələrində təsirli olduğunu qəbul etdi. Baxmayaraq ki, GoDaddy dekabr ayında reallaşan etirazlar sonrası SOPA-ya dəstəyini çəkdiyini bildirmişdi. Hətta SOPA-npn özü belə etirazların nəticəsində ləğv olundu. Ancaq servisdən istifadə edən əksər domain sahibləri bu qərarı işarə olaraq qəbul etdi. Onlar düşünürlər ki, artıq GoDaddy etibarlı deyil. GoDaddy SOPA-ya dəstəyini açıqlayandan sonra qısa müddətdə 2milyondan domain sahibləri tərəfindən oradan çıxarılmışdı

Bu karvana son qatılan populyar sayt da qeyd etdiyimiz kimi WikiPedia oldu.

Press-reliz: Təhsil Nazirliyində Azərbaycan Respublikasının dövlət siyasətinə uyğun olaraq elektron xidmətlərin tətbiqinə başlanmışdır. Azərbaycan Respublikası Prezidentinin 23 may 2011-ci il tarixli “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” Fərmanına uyğun olaraq Təhsil Nazirliyində elektron hökumət xidmətləri interaktiv və informasiya istiqamətləri üzrə formalaşmaqdadır. Elektron xidmətlər bölməsi Təhsil Nazirliyinin www.edu.gov.az rəsmi internet səhifəsində fəaliyyət göstərir.

İnteraktiv xidmətlərə “Ümumi təhsil müəssisələrinə qəbulla bağlı e-ərizə”, “Tam və ümumi orta təhsil pilləsi üzrə sınaq və yekun buraxılış imtahanların nəticələri haqda məlumatların əldə edilməsi”, “Ümumi təhsil müəssisələrinə müəllimlərin işə qəbulu üçün ərizələrin qəbulu, imtahanların keçirilməsi və imtahan nəticələri haqda məlumatların əldə edilməsi”, “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”- üzrə elektron ərizələrin qəbulu”, Şagirdlərin təhsildə qazandıqları cari nailiyyətləri əks etdirən məlumatların əldə edilməsi (Valideyin Nəzarət Sistemi) kimi bloklar daxildir.

( Ətraflı oxuyun )

ElasticInbox açıq qaynaqlı və cloud-larda istifadə üçün qurulmuş email sistemdir. Bizə maraqlı olan cəhəti, bu açıq qaynaqlı sistemin yerli e-mail sistemi Box.az-ın yaradıcılarından olan Rüstəm Əliyev tərəfindən hazırlanmasıdır.
Hazırlanması barədə çoxdandır məlumatım var idi. Sadəcə bu barədə məlumat vermək üçün bir qədər gözlədim. Çünki sistemin Londonda baş tutacaq tədbirlərdən birində tanıtımı ediləcəkdi. Mən də buradakı məlumatlarla birgə yerləşdirməyi gözlədim.

( Ətraflı oxuyun )

Bu gün Xocalı soyqırımından 20 il ötür. Bu münasibətlə internetdə də bir sıra etiraz aksiyaları keçirilir. Bildiyimiz kimi informasiya müharibəsi dövrümüzdə əsas üstünlüklərdən hesab olunur.

Son zamanlarda isə Azərbaycan saytlarının kiber hücumlara kəskin şəkildə məruz qalırlar. Bu dəfə Azərbaycan hackerləri tərəfindən müxtəlif erməni saytlarına kiber hücum olub və Xocalı soyqırımı ilə bağlı məlumatlar yerləşdirilib.

( Ətraflı oxuyun )