Əsasən dünya internetində bir saatda, bir gündə nələr olduğu ilə bağlı infoqrafikalar görürük. Belə bir infoqrafikanı yerli internet seqmentində verməyi düşündük. Bizdə istifadəçilərin o qədər də çox olmadığını nəzərə aldıqda bu bir saat ərzində olaraq yox, bir gün ərzində olmaqla statistikaları araşdırmaq daha rahat olar. Ən uyğun isə servis saytların statistikalarını araşdırmaq olar. Bunun üçün Azərbaycan internetində keyfiyyətli, çox istifadə edilən hesab etdiyimiz servis saytlarının statistikalarından ibarət müxtəlif məlumatlar əsasında infoqrafika hazırladıq.

Bu statistikalar əsasında məlum oldu ki, Azerdict.com -da gün ərzində təqribi 2500 söz tərcümə olunur.

Növbəti statistik məlumatları e-mail servisi olan Box.az-dan götürək.
Gün ərzində təqribi Box.az-a 800 000+ mail gəlir. Hər dəqiqə üçün təqribi 500+ məktub ötürülür. Servisdən gündəlik təqribi 3500 məktub göndərilir. Bilindiyi kimi, Box.az-da notification (bildiriş) sistemi də var. Gələn e-maillərin 23% — ~184 000 bildirişlərdir, 70% — ~560 000 isə spamdır.

Saytların statistikalarını ölçən, ilk10.az -dan isə növbəti məlumatlar:
Gündəlik təqribi 164 157 host və 610 525 hit-i ilk10 sayır. Bu istifadəçilərin ölkələr üzrə bölünməsi isə 1-ci ən çox daxil olanlar Aərbaycandan, 2-ci Türkiyədən, 3-cü Rusiyadan.

Twitter-in Azərbaycan seqmentinin statistikalarını ölçən Aztwi.com saytı isə gündəlik təqribi 6000 tweet yazıldığını qeydə alır. Gündəlik ortalama 40 min söz yazılır. İstifadəçilərin 21.8%-i gündəlik aktivlik edir.

Fayl paylaşım sistemi Boxca.com -da, sayta gündəlik təqribi 475 fayl yüklənir, saytdan isə gündəlik təqribi 103 392 fayl endirilir. Saytın gündəlik ortalama trafiki isə 546gb-dır

Azərbaycan internetinin populyar forumlarından Disput.az-da gündəlik ortalama 250 başlıqda yazılır. Hər 5 dəqiqəyə bir başlıq deməkdir. Forumda isə gündəlik ortalama 8324 cavab yazılır. Bu isə 10 saniyəyə bir cavab deməkdir.

Saytlar kataloqu olan Kataloq.net gündəlik təqribi saytlara 1700 keçid verir. Gündə 10 yeni sayt təsdiqlənir.



Əgər sizin də bildiyiniz hər hansı belə bir statistika varsa şərhlərdə paylaşın. Bilmək istədiyiniz statistikalar da varsa, şərhlərdə soruşun bölüşək.