Google`un mobil əməliyyat sistemi olan Android hər dəfə statistikalar açıqlananda öz bazar payını bir az daha artırır. Bu dəfə də comScore`un Amerika üçün açıqladığı bazar araşdırmasının nəticələrinə görə Android yüksəlişi nəticəsində Palm`ı keçibdi:


Qrafikdən də görə biləcəyiniz kimi RİM və iPhone stabil qrafiklə gedir, Windows Mobile və Palm isə geriləyirlər. Ən diqqət çəkən dəyişiklik isə Androidin inkişaf tempidir. Məncə Google`un ən böyük üstünlüyü isə həmin əməliyyat sistemini open source edərək bütün istehsalçılara açmağıdır.
Digər tərəfdən texno aləmdə də Android populyarlığını artırır. Cib telefonunun atası kimi tanınan Martin Cooper uzun müddət idi ki, iPhone istifadə edirdi.1973-cü ildə adına radio telefon deyilən texnologiyanın mühəndislərindən olan bu şəxs telefon seçimini Android`dən yana edir. Son bir ay Motorola Droid istifadə edirmiş və bundan məmnunmuş… Bunun nə qədər həqiqət olub olmadığını təbii ki müzakirə eləmək olar. Çünki, cənab Cooper, Motorola tarixində mühüm rol oynamış şəxslərdəndir. Bu məsələnin də reklam olub-olmadığını müzakirə eləmək olar. Ancaq səbəb nə olursa-olsun, nəticəsi iPhonunu, Androidlə əvəzləməsidir.