Ətraflı olaraq baxın

Press-reliz: NETTY 2010 Milli İnternet Mükafatının keçirilməsini dəstəkləyən partnyorlar sayının genişlənməsi davam edir. Ölkənin iri İT-şirkətlərindən biri ULTRA “Elm və Təhsil” nominasiyasında Mükafatın partnyoru olmaq niyyətini bildirdi. Bu nominasiyada bütün nominantlar və mükafatın qalibi şirkəti tərəfindən mükafatlandırılacaq. Qeyd etməliyik ki, şirkət ənənəvi olaraq elm və təhsil sahələrinə yönəldilmiş bütün təşəbbüsləri dəstəkləyir, ULTRA elm və təhsil sahələri üçün müxtəlif növ İT-layihələrin həyata keçirilməsi üzrə tanınmış liderdir.


( Ətraflı oxuyun )

Press-reliz: 12 mart 2010-cu il tarixində İntel korporasiyası və Azərbaycan Respublikası Təhsil Nazirliyi nəzdində Təhsil Sisteminin İnformasiyalaşdırlması İdarəsi tərəfindən Məlumat və Resurs Mərkəzində “1 şagird -1 kompüter” layihəsi üzrə seminar keçiriləcək. Seminarı ABŞ-dan dəvət olunmuş Intel “World Ahead” layihəsinin Təhsil İşləri üzrə Rəhbəri Robert Fogel keçirəcək.
Təhsil sistemində rəhbər işçilərə ünvanlanmış seminar “2008-2012-ci illərdə Azərbaycanın təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən fəaliyyətlərin tərkib hissəsidir.
Seminarda XXI əsrdə təhsilin inkişaf istiqamətlərinə uyğun olan “1 şagird-1 kompüter” layihəsinin beynəlxalq təcrübə və imkanları haqqında məlumat veriləcək və Azərbaycanda layihənin icra perespektivlərindən söhbət açılacaq. Seminar əsasən aşağıdakı mövzuları əhatə edəcək:


( Ətraflı oxuyun )

Hər nə qədər hər kəs Facebook`u sosial şəbəkə və yoldaşlarla ünsiyyət platforması olaraq görsə də, əslində Facebook fotoşəkil paylaşımı mövzusunda da internetin ən böyük saytı mövqeyindədir.
Təkcə fotoşəkil paylaşmaq üzrə ixtisaslı sayt olan Flickrdən belə daha çox fotoşəkili saxlayan Facebook`un bu gücü Kodakın da diqqətini çəkmiş olacaq ki, şirkət çox qısa müddət içində, bu yaya doğru, fotoşəkil çapı üçün istifadə edilən kiosklarına Facebooku da daxil edir.

( Ətraflı oxuyun )

Google`un mobil əməliyyat sistemi Android getdikcə populyarlığını artırır. Hətta internetdə Androidlə bağlı qəribə məqamlarla da rastlaşmaq olar. Bu gün də maraqlı bir məlumatla rastlaşdım. Tim Heath və Ryan Hickman iki nəfər Android əməliyyat sistemi əsaslı bir cihaz ilə sadə də olsa hazırlayıblar… Bu sadə robotun üzərində yalnız 30 dollarlıq bir cihaz var. Kompüter üzərindən lazımlı əmrləri verib uzaqdan istiqamətləndirmək olur. Bu robot həm də dolayı yolla Androidin gücünü göstərir. Boşuna həmin əməliyyat sistemi ilə işləyən telefonlar «ağıllı telefonlar» adlandırılmır.
Həmin robotun düzəldilməsi və testləri ilə bağlı videolar:

( Ətraflı oxuyun )

Press-reliz: SİNAM şirkəti 2-5 mart tarixlərində Almaniyanın Hanover şəhərində keçirilmiş informasiya texnologiyaları üzrə dünyanın aparıcı sərgilərindən biri olan CeBİT-2010 sərgisində iştirak etmişdir. Şirkət Azərbaycan Respublikası Rabitə və Informasiya Texnologiyaları Nazirliyinin stendində təqdim olunurdu. Bu il SİNAM şirkəti həmin sərgidə artıq 6-cı dəfədir ki, iştirak edir. Qeyd etmək lazımdır ki, CeBİT-2005-də iştirak etməklə SİNAM şirkəti bu sərgidə iştirak edən ilk Azərbaycan şirkəti olmuşdur. Sərgi zamanı SINAM şirkəti geoinformasiya sistemlərini, naviqasiya nəzarəti sistemini, elektron imza həllərini və s. kimi məhsulları təqdim etdi.

( Ətraflı oxuyun )

Press-reliz: Avtomatlaşdırılmış korporativ informasiya sisteminin yaradılması planlaşdırılır. Layihə çərçivəsində 1200 poçt şöbəsinin lokal korporativ şəbəkəyə qoşulması planlaşdırılır. Yerüstü kommunikasiyaların olmadığı üçün 177 poçt şöbəsi həmin şəbəkəyə simsiz Internetin vasitəsilə qoşulacaq. Layihə çərçivəsində genişzolaqlı Ethernet körpüsü lokal korporativ şəbəkə ilə birləşib verilənlərin yüksəksürətli mübadiləsini təmin edəcək. Sözügedən layihə yaxınlarda keçirilmiş tenderin qalibi olmuş SİNAM şirkəti tərəfindən reallaşdırılacaq.
Digər poçt şöbələrinin şəbəkəyə qoşulması prosesinin isə layihənin növbəti mərhələlərində həyata keçirilməsi planlaşdırılır.

( Ətraflı oxuyun )

Nəsə son vaxtlarda texnologiya nəhəngləri yola getmirlər. Hər dəfə bacardıqca biri, digərindən üstünlüyünü göstərməyə çalışır. Artıq iş o yerə çatıbdı ki, arada başqa şirkətlər də qalır. Axırıncı dəfə isə məsələ HTC`nin «başında çatlayıb». Bu Apple, Nokia ilə bir xeyli məhkəmələrdə üz-üzə gəlirdi, ona görə bir xeyli təcrübəsi var. Bu dəfə Steve Jobs`un xətrinə Google dəyibdi. Arada qalan isə HTC olub. Çünki Steve Jobs iddia edir ki, onlara aid texnologiyaları məhz Nexus One`da istifadə ediblər. Bu məhkəmə bir növü Google`a atılan daşdır. Əvvəl rəqabət sahəsində Microsoft-Apple görmək daha xarakterik hal almışdı. Google`un belə gözlənilməz yüksəlişi ona qarşı olanlarında sayını artırıbdı. Görünür Apple Nexus One`ı həqiqətən də iPhone`a rəqib görür ki, bu addımı atıbdı.

Bu gün internetdə çox qəribə bir layihə barədə eşitdim. Sən demə hər saytın öz musiqisi var imiş, bizlər eşitməsək də saytlar da bizimlə musiqinin diliylə danışa bilərmişlər. Bu xəyala o qədər inanmış insanlar var imiş ki, yeni bir CodeOrgan.com kimi layihə ortaya çıxıb. Sistem barədə mən CNN`də gördüm və ətraflı məlumatı da məncə elə onların dilindən eşitmək daha yaxşı olardı.



Mənim anladığım qədərilə sitem öz iş prinsipində, sayt açılarkən saytın HTML atributları sistem tərəfindən əvvəlcədən qəbul olumuş notlara uyğun şəkildə «bəstələyir». Təbii ki, layihə barədə eşidən kimi yoxladığım ilk ünvan sözsüz ki, Google oldu =). Sonra isə layihənin həyata keçirənlərin ən sevimlisi olan NASA`nın saytını sınaqdan keçirdim. Sonra da Weboxu`ya növbə gəldi. Yoxladığım bütün saytları melodiyası bir-birindən nə ilə sə fərqlənirdi. Hərhansısa qanunauyğunluq sezmədim mən. Əcnəbi psixoloqlar həmişə kompüter arxasında çox oturanların həyatlarını maraqsızlaşdırdıqlarını düşünürlər, görünür developerlər hər şeydə hansısa marağın və əyləncənin mövcud olduğuna onları inandırmağa çalışırlar.

Sən demə iş görəndə musiqiyə qulaq asmaqda haqsız deyilmişəm =)

Press-reliz: HC–SDMA(iBurst) texnilogiyası ilə İnternetə sürətli simsiz qoşulmanı təmin edən elcell xidməti, 01 mart 2010–cu il tarixdən Gəncə şəhərində kommersiya fəaliyyəti üçün şəbəkəsinin istismarına başladığını elan edir.
Şəbəkənin tənzimlənməsi və sınaqdan keçirilməsi dövrü artıq başa çatmışdır və Gəncə elcell şəbəkəsinin kommersiya fəaliyyətinə başladığı ikinci şəhər olur. Hazırda şəbəkənin əhatə dairəsinə şəhərin bütün əsas əraziləri daxildir.
Şəbəkəyə qoşulmuş abonent, şəbəkənin əhatə dairəsində İnternetə qoşulmaqla bərabər, rouminq üçün əlavə ödəniş etmədən elcell xidmətinin digər imkanlarından da istifadə edə bilər.

( Ətraflı oxuyun )