Press-reliz: 2010-cu ilin avqust ayından etibarən, Azerfon-Vodafone 3G şəbəkəsi Quba, Xaçmaz və Lənkəran şəhərlərində də istifadəyə verilir. Əhatə dairəsinə daxil edilmiş bu üç yeni şəhər ilə, Bakı, Sumqayıt, Gəncə, Naxçıvan, Mingəçevir, Şəki, Tovuz və Şəmkirdə, Azerfon-Vodafone-un 3G xidmətləri hazırda Azərbaycanın 11 şəhərində istifadə olunur.

Azerfon şirkətinin İdarə Heyətinin sədri Cüneyt Türktan: «Azerfon-Vodafon-un 3G texnologiyası əsasında təqdim etdiyi xidmətlərə müştərilərin dayanmadan artan marağını nəzərə alaraq, biz bu şəbəkənin əhatə dairəsini Lənkəran, Quba və Xaçmaza da genişləndirməyi qərara aldıq. Biz bilirik ki, Azərbaycanda İnternet istifadəçilərinin sayı xeyli yüksəkdir. Get-gedə, daha çox insanlar 3G xidmətlərini dəstəkləyən telefonlar vasitəsi ilə İnternetdən istifadə edirlər, və məhz bu səbəbdən hazırda Azerfon-Vodafon-un xidmətləri geniş populyarlıq qazanmışdır.”

( Ətraflı oxuyun )

Facebook yeni servisi olan 0.facebook.com -u blogundan tanıtdı. Başlıqdan da oxuya biləcəyiniz kimi bu pulsuz mobil platformadır. Xatırlayan olar yəqin ki, bir müddət əvvəl Facebook lite versiyasının fəaliyyətin idayandırmışdı. İndiki versiyada bir növ onu xatırladır mənə. Ancaq burada mahiyyət daha başqadır. Facebook-un özünün açıqladığı rəqəmlərə inansaq, 100 milyondan çox sırf mobil istifadəçisi var. Bu isə çox böyük rəqəmdir. İndiki servis isə 40-a yaxın ölkədə 50-dən çox operator tərəfindən pulsuz olaraq fəaliyyət göstərəcək. Yəni saytda mobil telefondan daxil olmaq, status update-ləri, dostluq təkliflərinin dəyərləndirilməsi, şəxsi mesajlar və s. pulsuz olacaq. Təkcə fotolara baxmaq pullu olacaq. Beləcə mobil istifadəçilərə daha yaxın olacaq və paralel olaraq da istifadəçilərini daha da çoxaldacaq.

( Ətraflı oxuyun )

İstifadəçilərdən birinin YouTube-da yerləşdirdiyi video:
Videoda görünür ki, modemin işləmə sürəti keyfiyyətsizdir.


Azərbaycanda 3G internetin sürəti və keyfiyyəti. Azərbaycan ən sürətlisinə layiqdir.

Uzun müddətdir Azercell 3G lisenziyası üçün müraciətlərini edirdi. Deyəsən artıq lisenziyanın alınması məsələsi aktuallaşır. Azercell`in işçilərinin birindən aldığım qeyri-rəsmi məlumata görə artıq daxili 3G testləri yenidən edilir. Lisenziya alınmadığına görə testlər dayandırılmışdı. Ancaq son zamanlarda yenidən testlərə başlanıb. Texniki heyətin testlərə başlamağı lisenziyanın verilməyə yaxın olduğundan xəbər verir. Hər halda lisenziya verilsə, qiymətlər baxımından istifadəçilərə də xeyir olar.
Qeyd: Yazını yazanda Azercell`in saytına daxil olmaq istədim ki, logosunu götürəm yazı üçün. Sayt açılmadı — 502 Bad Gateway yazılırdı yenə.

Press-reliz: Azerfon-Vodafone-dan unikal kampaniya – 3G VMC data modem, 3Gb İnternet-trafik və Azerfon-Vodafone nömrəsi sərfəli paketdə cəmi 47 manata!
Bahar bayramı ərəfəsində Satış Mərkəzlərində Azerfon-Vodafone nömrəsi, 3Gb İnternet-trafik və VMC data modemindən ibarət Azerfon-Vodafone paketini əldə etmək olar.
19 mart 2010-cu il tarixindən etibarən, cəmi 47 manat ödəyərkən, abunəçi Azerfon-Vodafone nömrəsi, 3Gb və daha çox aylıq İnternet-trafiki daxil olan aktivləşdirilmiş “3G Mobil İnternet” Tarif Planı paketini və Vodafone Mobile Connect data modemini hədiyyə olaraq əldə etmək olar.
Sürətlə inkişaf edən müasir biznes aləmində olduğunuz yerdən asılı olmayaraq daim əlaqə saxlaya bilmək imkanı çox vacibdir. Bunu bilərək, Azerfon-Vodafone unikal “3G Mobil İnternet” Tarif Planını təqdim edir.
Azerfon-Vodafone abunəçisi olduqda hər bir istifadəçi video-zəng, məlumatların yüksək sürətli ötürülməsi, təkmilləşdirilmiş səs keyfiyyəti, habelə daha genişləndirilmiş əhatə zonası kimi yenilikləri daxil edən 3G xidmətlərinin eksklüziv sahibinə çevrilir. Məlumatların ötürmə sürəti 384 Kbit/s-dək olan 2G texnologiyasının standartından fərqli olaraq 3G şəbəkəsi Azerfon-Vodafone istifadəçilərinə məlumatları 3,6 Mbit/s sürətlə ötürməyə imkan verir.

(http://mak.az/articles.php?item_id=20091219065705886&sec_id=2)

www.mak.az saytında verilən məlumata görə «Bir müddət TV kanallarında və küçə reklamlarında tizer şəklində yayımlanan reklam axır ki, ictimaiyyətə tam şəkildə təqdim olundu. Bu yeni yaranan brend Azerfon-Vodafone-a məxsus reklam idi. Reklam konsepti qeyd olunan brendin 3G xidmətləri haqqındadır. Reklam konsepsiyasını Türkiyənin Grey İstanbul şirkəti hazırlayıb. Konsepsiyaya məxsus ideya, TV reklam çarxı, çap və digər reklam daşıyıcılarında tədbiq olunub. TV reklamın hazırlanması zamanı Türkiyə şirkəti Film Club və yerli CineAlliance şirkəti də iştirak ediblər. Çəkilişlər həm Bakıda həm də İstanbulda aparılıb. Reklam konsepsiyasının adaptasiyası ilə Banner şirkəti məşqul olub. „

Adətən ucuz kliplərdə personal çatışmamazlığına çox rast gəlirik. Adətən ele vaxtlarda dost-tanışları çəkirlər öz kliplərinə. Bu kimi klipləri izləyəndə klipi çəkən komandanın qeyri peşəkarlığı nəticəsində eyni personaldan bir-neçə yerdə istifadə olunduğu üzə çıxır.
Başqa bir şey də var ki eyni əşyadan istifadə edib daha ucuz məhsul alınmağına nail olmaq istəyi.

Aydın məsələdir ki, Azerfon şirkətinin əlavə personala və reklamda çəkilən əşyalara (qız çantası) pulu kifayət qədər yetər. Ortaya bir sual çıxır. Bəs bu kimin səhvidir?
Aşağıdakı fotolari izlədikdən sonra axırda sizə video çarxı təqdim edəcəm.


( Ətraflı oxuyun )

009-cu ili arxada qoyuruq artıq. Bundan əvvəlki illərə nisbətən cari ildə, haqqında yazmalı, müzakirə eləməli kifayət qədər hadisələr oldu. Məndə fikirləşdim ki, tədbirlərin, hadisələrin çox qısa olaraq – xülasə şəklində qeydini aparım.

Osman Gündüz: «Xidmət „Azerfon“a heç bir müsabiqə keçirilmədən, şirkətlərin biznes planlarına baxılmadan verilib».

“Rabitə və İnformasiya Texnologiyaları Nazirliyi 3G xidmətlərinin göstərilməsi üçün “Azerfon” MMC-yə lisenziyanın verilməsi zamanı kobud qanun pozuntularına yol verib”. Bunu jurnalistlərə açıqlamasında Milli İnternet Forumunun sədri Osman Gündüz bildirib.


( Ətraflı oxuyun )

"Azərbaycanda fəaliyyət göstərən digər mobil rabitə operatorlarına 3G xidmətlərinin göstərilməsi üçün lisenziyanın verilməsi onların sözügedən xidmətlərin göstərilməsinə hazırlıq səviyyəsindən asılıdır”. Bunu jurnalistlərə açıqlamasında rabitə və informasiya texnologiyaları nazirnin müavini Elmir Vəlizadə bildirib.

Bu gün Azərbaycan texnologiya sferası üçün hərəkətli bir gün keçdi demək olar. Dünya 4G-ni bayram eləməyə hazırlaşanda, bizim də yeni il hədiyyəmiz 3G oldu.
Həmişəki kimi Twitter`i nəzərdən keçirəndə ilk xəbəri aldıq ki, bəs Azerfon-Vodafone brendinin yeni saytı açılıb — http://www.azerfon-vodafone.az (.com). Daha sonra isə ikinci xəbər gəldi ki, artıq mətbuat konfransı keçirilib və yeni brend olaraq Azerfon-Vodafone mətbuatla tanışlığı baş tutub və yeni xidmətlər barədə və nahayət hamımızın gözlədiyi 3G barədə məlumat verilib.

Sizləri bilmirəm amma mən, 3G`ni Nar nömrələrdə gözləyirdim. Amma deyəsən bu belə olmayacaq. 3G`ni dəstəkləyən nömrələrin prefiksi (077) olacaq. İlkin mərhələ üçün xidmətlər Bakı, Abşeron yarımadası, Sumqayıt, Gəncə, Şirvan, Naxçıvan, Mingəçevir, Şəki, Tovuz, Şəmkir və Naxçıvanda aktiv olacaqmış.

Yeni brendin və 3G-nin bazara daxil olması 16 dekabr 2009-cu il axşam həyata keçəcək. Ümid edək ki, gələcəkdə bu tarixi yaxşı xatirələrlə yada salaq =)

Mətbaut konfransı barədə ətraflı+

Yeniləndi:

Bu da Azerfon-Vodafone reklam çarxı.