Axtunq axtunq, diqqət, diqqət :)

Bu həftə şənbə günü Qafqaz universitetində seminar verəcəm. İştirak sərbəstdir, qeydiyyat hər kəs üçün açıqdır və pulsuzdur.
Seminar tam adı: İnformasiya Kommunikasiya Texnologiyaları sahəsindəki beynəlxalq sertifikatlar və onların önəmi

Yer: Qafqaz universiteti seminar salonu
Tarix: 13 Mart 2010 saat 10:30
Nəzərdə tutduğum hədəf auditoriya aşağıdakılardır:


( Ətraflı oxuyun )

Google`un mobil əməliyyat sistemi Android getdikcə populyarlığını artırır. Hətta internetdə Androidlə bağlı qəribə məqamlarla da rastlaşmaq olar. Bu gün də maraqlı bir məlumatla rastlaşdım. Tim Heath və Ryan Hickman iki nəfər Android əməliyyat sistemi əsaslı bir cihaz ilə sadə də olsa hazırlayıblar… Bu sadə robotun üzərində yalnız 30 dollarlıq bir cihaz var. Kompüter üzərindən lazımlı əmrləri verib uzaqdan istiqamətləndirmək olur. Bu robot həm də dolayı yolla Androidin gücünü göstərir. Boşuna həmin əməliyyat sistemi ilə işləyən telefonlar «ağıllı telefonlar» adlandırılmır.
Həmin robotun düzəldilməsi və testləri ilə bağlı videolar:

( Ətraflı oxuyun )

Press-reliz: NETTY 2010 Milli İnternet Mükafatının keçirilməsini dəstəkləyən partnyorlar sayının genişlənməsi davam edir. Ölkənin iri İT-şirkətlərindən biri ULTRA “Elm və Təhsil” nominasiyasında Mükafatın partnyoru olmaq niyyətini bildirdi. Bu nominasiyada bütün nominantlar və mükafatın qalibi şirkəti tərəfindən mükafatlandırılacaq. Qeyd etməliyik ki, şirkət ənənəvi olaraq elm və təhsil sahələrinə yönəldilmiş bütün təşəbbüsləri dəstəkləyir, ULTRA elm və təhsil sahələri üçün müxtəlif növ İT-layihələrin həyata keçirilməsi üzrə tanınmış liderdir.


( Ətraflı oxuyun )

Press-reliz: 12 mart 2010-cu il tarixində İntel korporasiyası və Azərbaycan Respublikası Təhsil Nazirliyi nəzdində Təhsil Sisteminin İnformasiyalaşdırlması İdarəsi tərəfindən Məlumat və Resurs Mərkəzində “1 şagird -1 kompüter” layihəsi üzrə seminar keçiriləcək. Seminarı ABŞ-dan dəvət olunmuş Intel “World Ahead” layihəsinin Təhsil İşləri üzrə Rəhbəri Robert Fogel keçirəcək.
Təhsil sistemində rəhbər işçilərə ünvanlanmış seminar “2008-2012-ci illərdə Azərbaycanın təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən fəaliyyətlərin tərkib hissəsidir.
Seminarda XXI əsrdə təhsilin inkişaf istiqamətlərinə uyğun olan “1 şagird-1 kompüter” layihəsinin beynəlxalq təcrübə və imkanları haqqında məlumat veriləcək və Azərbaycanda layihənin icra perespektivlərindən söhbət açılacaq. Seminar əsasən aşağıdakı mövzuları əhatə edəcək:


( Ətraflı oxuyun )

Hər nə qədər hər kəs Facebook`u sosial şəbəkə və yoldaşlarla ünsiyyət platforması olaraq görsə də, əslində Facebook fotoşəkil paylaşımı mövzusunda da internetin ən böyük saytı mövqeyindədir.
Təkcə fotoşəkil paylaşmaq üzrə ixtisaslı sayt olan Flickrdən belə daha çox fotoşəkili saxlayan Facebook`un bu gücü Kodakın da diqqətini çəkmiş olacaq ki, şirkət çox qısa müddət içində, bu yaya doğru, fotoşəkil çapı üçün istifadə edilən kiosklarına Facebooku da daxil edir.

( Ətraflı oxuyun )

3d peşəkərların portalı olan 3ds.az saytında müəyyən periodlarla müxtəlif mövzulu yarışmalar keçirilir. Bu tip yarışmalardan növbətisi start götürübdü. Maraqlananlar iştirak edə bilər. Yarışmada eksteriyer işlər qebul olunur. 3d veya 2d ilə iştirak etmək olar. Bu haqda bir qədər ətraflı:


( Ətraflı oxuyun )

Dünyanın mikro sosial platforması Twitter böyümə göstəricilərinə baxanda adam heyran olur. Əvvəl tez-tez serverlərində ilişmələr olurdu, son vaxtlarda daha azalıbdı. Bu göstəricilərə baxanda həmin nasazlıqları başa düşmək çox asandır. Son vaxtlarda hər yerdə oxuya biləcəyiniz kimi Twitter`in artıq 10 milyardındıncı tviti də edilibdi. Hətta tvit saytlarına online baxmaqda mümkündür. Bəs bu tvitlərin çoxalma aralığı necədir?

2008`in noyabrında 1 milyard tweet sayına çatan platforma 2009`un oktyabrında isə 5 milyard tweeti keçdiyi açıqlanmışdı. 5 milyard səddindən 5 ay sonra 10 milyardı keçdi. Bu isə 100%`lik böyümədir. Analitiklərin fikrinə görə də 4 ay sonra 20 milyardıncı tweeti keçəcəkdi. Yəni Twitter 100%`lik böyümə rəqəmini getdikcə azaldır.

Press-reliz: SİNAM şirkəti 2-5 mart tarixlərində Almaniyanın Hanover şəhərində keçirilmiş informasiya texnologiyaları üzrə dünyanın aparıcı sərgilərindən biri olan CeBİT-2010 sərgisində iştirak etmişdir. Şirkət Azərbaycan Respublikası Rabitə və Informasiya Texnologiyaları Nazirliyinin stendində təqdim olunurdu. Bu il SİNAM şirkəti həmin sərgidə artıq 6-cı dəfədir ki, iştirak edir. Qeyd etmək lazımdır ki, CeBİT-2005-də iştirak etməklə SİNAM şirkəti bu sərgidə iştirak edən ilk Azərbaycan şirkəti olmuşdur. Sərgi zamanı SINAM şirkəti geoinformasiya sistemlərini, naviqasiya nəzarəti sistemini, elektron imza həllərini və s. kimi məhsulları təqdim etdi.

( Ətraflı oxuyun )

Mən bloggerliyə başlayandan bəri hələki bu Netty haqqında bir xoş söz yaza bilməmişəm. Bilmirəm 2010-da bu tendensiya dəyişəcək ya yox. Amma onu bilirəm ki, may ayına qədər internetdə və bloglarda müəyyən qədər canlanma olacaq. Netty`ni alacağıq əlimizə, dolayacağıq qolumuza, haqqında o ki var yazacağıq. Gah ağına, gah da qarasına.
Yaxşısı ilə pisi ilə Netty ən qocaman internet mükafatıdır. Hər zaman Rus dilli olması qabarıq görsənirdi. Bu il qaydaları oxuyanda Azərbaycan dilinə üstünlük verəcəkləri haqqında bəndlər qarşıma çıxdı. Ən azından bu müsbət cəhətdir amma görək bu praktikada özünü necə doğruldacaqdı. Bunu zamanla görəcəyik.
Saytlarında da müsbət dəyişikliklər var. Yeni texnologiyalara inteqrasiya nəzərə çarpır. Yaxşılığa doğru dəyişim var. Ən azından bu il mükafat başlayanda bir-iki xoş söz deməyə şərait yarandısa bu da uğurdur.

Ancaq hələ də ənənəvilik var. Hansıki bu ənənəni heç bəyənmirəm. Həmişə də bunu tənqid etmişəm. Bilmirəm bu qüsurlar nə vaxt düzələcək.

( Ətraflı oxuyun )

Retweet.com Flippa üzərindən edilən hərracda 55 min dollardan satışa çıxarılmışdı.Dünən sayt $250 min qarşılığında satıldı. 45 təklif nəticəsində qiyməti $202 min səviyyəsinə çatan xidmət daha çox gözləyərək risk almaq istəməyən biri tərəfindən $250 min qarşılığında «dərhal al» qiymətiylə satın alındı.
Twitter`in «retweet» xüsusiyyətini öz içinə qatmasıyla ana xüsusiyyətini itirən start-up populyarlıq əldə edə bilmədən hərraca qoyulmuşdu. İndi gözlər Retweet.comun rəqibi və bu sahədəki ən məşhur sayt olan Tweetmemeyə çevrilibdi. Retweetin satışının ardından Tweetmeme`nin gələcəyinin necə olacağı da internet aləminin marağındadır. Yeri gəlmişkən Tweetmeme verdiyi API servisindən biz də istifadə edirik və çox razıyıq.

( Ətraflı oxuyun )

AIF bildirir ki, son günlər bir sıra internet resurslara, xüsusilə də Azadlıq Radiosunun www.azadliq.org və www.azadliqradiosu.az internet resursuna, www.yahoo.com
və www.facebook.com resurslarına ölkə ərazisindən girişlə bağlı ciddi məhdudiyyətlər yaranıb.
Bu günlər ərzində bir sıra provayderlərin istifadəçiləri adı çəkilən resurslardan ümumiyyətlə istifadə edə bilməmişlər və www.azadliq.org resursuna girişlə bağlı problemlər hələ də qalmaqdadır.
6 mart tarixindən etibarən AİF -in mütəxəssisləri və bir sıra ekspertlər tərəfindən baş verən məhdudiyyətlərin mahiyyətinin araşdırılması, problemləri törədən səbəblərin müəyyən edilməsi istiqamətində intensiv işlər aparılmışdır. Aparılan araşdırmalar nəticəsində müəyyən olunub ki, həqiqətən də bir sıra Provayderlər vasitəsilə adı çəkilən resursa girişlə bağlı ciddi əngəllər var. Provayderlərin də bir çoxu ölkə daxilindən bu resurslara girişlə bağlı şəbəkədə müəyyən problemlərin olduğunu, lakin onlar tərəfindən hansısa süni əngəllərin yaradılmadığını qeyd ediblər. Adı çəkilən resursa digər ölkələrin ərazisindən giriş sərbəstdir.

( Ətraflı oxuyun )

Bu problem haqda yazmışdım. Məsələ ilə bağlı yeni məlumatlar var deyə bölüşmək istəyirəm.
Deməli əvvəldən də yazdığım kimi bir sıra saytlara qoşulmaqda problemlər yaşanırdı. Bu haqda ətraflı olaraq yazıda oxuya bilərsiniz. Yazıda oxuculardan birinin şərhini bir balaca incələdim və ən doğru versiya bu kimi görsənir. Deməli Azərbaycana internet bir kanaldan daxil olur — Delta Telecom. Delta Telecom isə interneti bir neçə aparıcı kanallar vasitəsi ilə alır. Bunlardan biri də TürkTelekomdur. Oxucumuzun şərhini araşdırdıqda görmək olur ki burada həqiqət var. Yəni Türk Telekom ilə Delta Telecom arasındakı bağlantılarda nasazlıq var. Hətta Delta ilə də əlaqə saxlandıqda onlar da oxşar variant deyiblər. Dəqiq bir mənbə göstərməyiblər ancaq bildiriblərki kanalların birində nasazlıq olduğuna görə bəzi saytlara daxil olamqda problemlər yaşanıb.

( Ətraflı oxuyun )

Ötən həftənin maraqlı twitlərini 9-cu həftədirki yazıram. Bilmirəm hələ nə qədər bu postu davamlı edəcəm. Hələki davam etdirməyə şərait var. 1-7 mart həftəsindən də maraqlı tvitlər görmək mümkündür. Bu tvitlərdən kənara qeyd etdiklərim:


( Ətraflı oxuyun )

Son 1 ayda internet bağlantısından yana üzümüz gülmür. Ofisdəki internet Streamdəndir və ara-sıra kəsilmələr ilə lap bezdirir. Evdə isə Bakinternetdir. Son zamanlara qədər elədə çox problem yaşamırdıq. Hərdən nəsə nasazlıq olurdu. Ancaq son zamanlar burada da tez-tez internet kəsintiləri olmağa başlayıbdı. Son 2 gündə isə lap qəribə problemlər olur. Bəzi saytların açılmağı günün müəyyən periodlarında açılmır. Məsələn Facebook.com, Yahoo.com, PHP.net kimi saytlara gah daxil olmaq mümkün olur, gah da heç açılmır. (php.net Yahoo serverlərində olduğundan eyni problem yaşanır) Sosial platformalar, Facebook və Twitter`də gördüyüm qədəri ilə Yahoo`ya daxil ola bilənlər isə e-mail`ə daxil olmaqda çətinlik çəkirlər. Mən də həmçinin yoxladım, həqiqətən çətin oldu. Ajax`la olan formasına daxil olmaq mümkün olmadı ancaq classic Yahoo mail açıldı.
Digər bir problem də Facebook`un bəzi provayderlərdə zəif işləməsidir. Bu zəifliyə görə də Facebook API`sindən istifadə etmiş saytlarında açılmağı ləngiyir. Məsələn Weboxu`da Facebookda edilən paylaşımların sayını göstərmək üçün API`dən istifadə etmişik deyə, Facebook`u zəif açan provayderlərdə Weboxu`nun açılmağında da ləngimə olur.
Başqa kim, hansı saytların açılmağında problemlərlə üzləşibdisə bölüşsə maraqlı olardı.

Press-reliz: 5 mart 2010-cu il tarixində “Novosti beynəlxalq mətbuat mərkəzində” NETTY 2010 Azərbaycan Milli İnternet mükafatının yeni mərhələsinin başlanması haqqında elan olundu.

Müsabiqənin Təşkilat komitəsinin nümayəndəsi Qaçayev Ramilin sözlərinə əsasən müsabiqənin şərtlərinə uyğun olaraq qeydiyyat, 5 mart tarixindən başlayaraq 28 aprel tarixinədək aparılacaq. Müsabiqənin iştirakçısı və ya virtual jürinin üzvü hər qeydiyyatdan keçmiş, müsabiqənin qaydaları ilə razılaşan və Təşkilat Komitəsi tərəfindən bəyənilən www.netty.az -ın istifadəçisi ola bilər. 28 aprel tarixindən 7 may tarixinədək virtual jürinin səsverməsi keçiriləcək və bu səsvermə nəticəsində mükafatın nominantları elən ediləcək. Jürinin hər bir üzvü Mükafat boyunca bir səs hüququna malikdir və səsi qeydə alınması üçün hər bir nominasiyada səs verməyə borcludur. Hər təqdim edilmiş kateqoriyada üç nominant müəyyən edilir.


( Ətraflı oxuyun )

Press-reliz: Avtomatlaşdırılmış korporativ informasiya sisteminin yaradılması planlaşdırılır. Layihə çərçivəsində 1200 poçt şöbəsinin lokal korporativ şəbəkəyə qoşulması planlaşdırılır. Yerüstü kommunikasiyaların olmadığı üçün 177 poçt şöbəsi həmin şəbəkəyə simsiz Internetin vasitəsilə qoşulacaq. Layihə çərçivəsində genişzolaqlı Ethernet körpüsü lokal korporativ şəbəkə ilə birləşib verilənlərin yüksəksürətli mübadiləsini təmin edəcək. Sözügedən layihə yaxınlarda keçirilmiş tenderin qalibi olmuş SİNAM şirkəti tərəfindən reallaşdırılacaq.
Digər poçt şöbələrinin şəbəkəyə qoşulması prosesinin isə layihənin növbəti mərhələlərində həyata keçirilməsi planlaşdırılır.

( Ətraflı oxuyun )